Dushanbeda o‘zbekistonlik tennischilar ikki hafta davomida xalqaro maydonda yorqin o‘yin ko‘rsatdilar
Dushanbeda o‘zbekistonlik tennischilar ikki hafta davomida xalqaro maydonda yorqin o‘yin ko‘rsatdilar.
14 yoshli Zlata Nizamiyeva ketma-ket ikki turnirda — ATF Ramis Cup G-2 va President Cup ATF G-1 — “oltin dubl”ni amalga oshirdi. U yakka bahslarning finalida ikki marta turkmanistonlik Nazli Xudayquliyevani 6:3, 6:1 hisobida mag‘lub etdi. Juftlik bahsida esa Nizamiyeva/Xudayquliyeva dueti ketma-ket ikki chempionlikni qo‘lga kiritdi. Umumiy hisobda Zlata atigi ikki haftada to‘rt titulni qo‘lga kiritdi.
Dong Kim ham muvaffaqiyatli qatnashdi. U yakka bahsda ikki marta finalgacha yetib bordi, juftlikda esa qirg‘izistonlik Bakay Aseynov bilan birgalikda ikkala turnirda ham chempion bo‘ldi. Ularning dueti finalda Janubiy Koreya va Saudiya Arabistoni vakillarini mag‘lub etdi.
Dushanbe natijalari:
• Zlata Nizamiyeva — 4 titul (2 yakka, 2 juftlikda);
• Dong Kim — yakka bahs finali + 2 juftlik chempionligi.
