Бу ерда кўп бор кўнглим қолган — Соболенко Уимблдонда ғолиб чиқиш орзуси ҳақида
Уч карра «Катта шлем» чемпиони Арина Соболенко тарихий соврин учун курашни давом эттирмоқда
Расм: gettyimages.com
«Катта шлем» турнирлари ғолибаси, жаҳоннинг 1-рақамли теннисчиси Арина Соболенко Уимблдонда ғолиб чиқиш — унинг орзуси эканини таъкидлади.
— Ўйлашимча, барчамизда бир хил орзу бор — ушбу кубокни қўлга олиш. Бу менинг қадимги орзуйим. Ҳозирча унга эриша олмадим. Бу ерда мен кўп бор руҳий тушкунликка тушганман. Шу боис, бир кун келиб бу туйғини ҳис қилиш насиб этади, деган умиддаман. Ва ўшанда биз бу ҳақда қайта суҳбатлаша оламиз — бу орзуйимга қанчалик мос келганини айтаман, — деди Соболенко матбуот анжуманида.
2025 йилги Уимблдон турнирининг тўртинчи босқичида Соболенко белгиялик Элизе Мертенсни 6:4, 7:6 (7:4) ҳисобида мағлуб этди. Ярим финалга йўлланма учун у немис теннисчиси Лаура Зигемундга қарши кортга чиқади.
Бакрадзе Иман
Редактор