Барселона ва Мюнхендаги ATP 500 турнирлари ярим финалчилари аниқ бўлди. Асосий сенсациялар
Барселонада ярим финалга Карен Хачанов, Холгер Руне, Карлос Алкарас ва Артур Фис йўл олди. Карен Хачанов икки сетда Алехандро Давидович Фокинани 6:4, 7:5 ҳисобида мағлуб этди. Иккинчи сетда у 2:5, 0:30 ҳисобида ортда борарди, бироқ кетма-кет беш геймни ютди. Хачанов учун бу карерасидаги 25-ярим финал ва жорий мавсумдаги биринчиси ҳисобланади.
Холгер Руне ўтган йилги Барселона чемпиони Каспер Руудни 6:4, 6:2 ҳисобида енгди.
Артур Фис Циципаснинг жароҳат сабабли биринчи сетда 0:2 ҳисобида турнирни тарк этганидан сўнг ярим финалга чиқди. Карлос Алкарас австралиялик Алекс де Минорани 7:5, 6:3 ҳисобида мағлуб этди.
Мюнхенда Бен Шелтон Лучано Дардерини 6:4, 6:3 ҳисобида енгди. Бу унинг ATP мусобақаларидаги тўққизинчи ярим финали ва грунтда иккинчи мартадир.
Александр Зверев Таллон Грикспурни жуда оғир учрашувда 6:7(6), 7:6(3), 6:4 ҳисобида мағлуб этди. Ушбу ўйин 3 соат 13 дақиқа давом этди. Грикспур иккинчи сетда ўйин учун сўнги зарбани амалга ошира олмади. Зверев учун бу грунтдаги 25-ярим финал (13 ғалаба, 11 мағлубият) ва 2025 йилда иккинчиси бўлди. Фабиан Марожан ATP турниридаги илк ярим финалига йўл олди — у Зизу Бергсни 6:3, 7:6(4) ҳисобида енгиб, еттинчи уринишда муваффақиятга эришди.
Барселона ярим финал жуфтликлари:
Хачанов – Руне
Алкарас – Фис
Мюнхен ярим финал жуфтликлари:
Зверев – Марожан
Серундоло – Шелтон
