Barcelona va Myunxendagi ATP 500 turnirlari yarim finalchilari aniq bo‘ldi. Asosiy sensatsiyalar
Barcelonada yarim finalga Karen Xachanov, Xolger Rune, Karlos Alkaras va Artur Fis yo‘l oldi. Karen Xachanov ikki setda Alejandro Davidovich Fokinani 6:4, 7:5 hisobida mag'lub etdi. Ikkinchi setda u 2:5, 0:30 hisobida ortda borardi, biroq ketma-ket besh geymni yutdi. Xachanov uchun bu karerasidagi 25-yarim final va joriy mavsumdagi birinchisi hisoblanadi.
Xolger Rune o'tgan yilgi Barcelona chempioni Kasper Ruudni 6:4, 6:2 hisobida yengdi.
Artur Fis Tsitsipasning jarohat sababli birinchi setda 0:2 hisobida turnirni tark etganidan so'ng yarim finalga chiqdi. Karlos Alkaras avstraliyalik Aleks de Minorni 7:5, 6:3 hisobida mag'lub etdi.
Myunxenda Ben Shelton Luchano Darderini 6:4, 6:3 hisobida yengdi. Bu uning ATP musobaqalaridagi to'qqizinchi yarim finali va gruntda ikkinchi martadir.
Aleksandr Zverev Tallon Grikspurini juda og'ir uchrashuvda 6:7(6), 7:6(3), 6:4 hisobida mag'lub etdi. Ushbu o‘yin 3 soat 13 daqiqa davom etdi. Grikspur ikkinchi setda o‘yin uchun so‘ngi zarbani amalga oshirolmadi. Zverev uchun bu gruntdagi 25-yarim final (13 g‘alaba, 11 mag‘lubiyat) va 2025 yilda ikkinchisi bo‘ldi. Fabian Marojan ATP turniridagi ilk yarim finaliga yo‘l oldi — u Zizu Bergsni 6:3, 7:6(4) hisobida yengib, yettinchi urinishda muvaffaqiyatga erishdi.
Barcelona yarim final juftliklari:
Xachanov – Rune
Alkaras – Fis
Myunxen yarim final juftliklari:
Zverev – Marojan
Serundolo – Shelton