АТР янги рейтингини эълон қилди: Фомин ва Султоновдан илгарилаш, дунё кучли ўнлигида ўзгаришлар
Теннис бўйича Профессионаллар Ассоциацияси (ATP) ҳар ҳафтанинг янгиланган рейтинги эълон қилди. Ўзбекистоннинг биринчи ракеткаси Ҳумоюн Султонов 4 очко қўшиб (жами 251 очко), 6 поғонага илгарилаб, 223-ўринни эгаллади. Сергей Фомин эса Анталиядаги мусобақаларда муваффақиятли иштирок этиб, 15 қимматли очко орқали 37 поғона юқорига кўтарилди ва ҳозирда 463-ўринни банд қилган. Максим Шин 2 поғона пасайган, Рахимбек Иброҳимов эса 1 ўринга кўтарилган.
Дунё рейтингининг кучли ўнлигида ҳам ўзгаришлар кузатилди. Монте-Карлода бўлиб ўтган “Мастерс” мусобақаси натижаларига кўра, теннисчиларнинг рейтингдаги ўринлари ўзгарди. Россиялик Даниил Медведев бошқа теннисчилар натижаларининг пасайиши туфайли яна кучли ўнликка қайтди. Турнир ғолиби Карлос Алкарас 1000 очко эвазига дунёдаги иккинчи теннисчига айланди.
Италиялик Янник Синнер 3 ойга мусобақалардан четлатилганига қарамай, 400 очко йўқотишига қарамасдан, рейтингда етакчиликни сақлаб қолмоқда. Учинчи ўринга Германия вакили Александр Зверев чиқди.
2025 йил 14 апрел ҳолатига кўра АТР рейтинги. Топ-10:
1. (1) Янник Синнер (Италия) — 9930 (-400)
2. (3) Карлос Алкарас (Испания) — 7720 (+1000)
3. (2) Александр Зверев (Германия) — 7595 (-50)
4. (4) Тэйлор Фритц (АҚШ) — 5280 (-10)
5. (5) Новак Жокович (Сербия) — 4120 (-390)
6. (6) Жек Дрэйпер (Буюк Британия) — 3870 (+90)
7. (10) Алекс Де Минаур (Австралия) — 3535 (+200)
8. (9) Андрей Рублёв (Россия) — 3440 (+50)
9. (11) Даниил Медведев (Россия) — 3290
10. (7) Каспер Рууд (Норвегия) — 3215 (-500)
Ўзбек теннисчиларининг АТР рейтингидаги ўринлари:
223 (229). Ҳумоюн Султонов — 251 очко (+4)
463 (499). Сергей Фомин — 95 очко (+15)
1263 (1261). Максим Шин — 6 очко
1957Т (1958Т). Рахимбек Иброҳимов — 1 очко
