ATP рейтинги янгиланди: Медведев Топ-10’га қайтди, Султонов ва Фоминда ўсиш
Кеча Профессионал теннисчилар Ассоциацияси (ATP)нинг 23 июнь ҳолатидаги янги рейтинги эълон қилинди. Рейтингда 8 нафар ўзбекистонлик теннисчи қайд этилган бўлиб, фақат Ҳумоюн Султонов ва Сергей Фомин натижасини яхшилади.
Ўзбекистоннинг биринчи ракеткаси Ҳумоюн Султонов 2 поғона юқорилаб, 228-ўринни эгаллади (247 очко). Иккинчи рақамли теннисчи Сергей Фомин эса 6 поғона кўтарилиб, 445-ўринга чиққан (99 очко). Қолган теннисчилар – Максим Шин, Амир Милушев, Ботир Сапаев, Абдулазиз Усмонжонов, Дамир Абдусамадов ва Раҳимбек Иброҳимов рейтингда пасайиш қайд этди.
Дунё рейтингида эса Галледаги муваффақиятли иштирокидан сўнг россиялик Даниил Медведев яна Топ-10’ликка қайтди. Турнир ғолиби бўлган қозоғистонлик Александр Бублик эса илк бор кучли 30 таликка кирди. Британиялик Жек Дрэйпер 6-ўриндан 4-ўринга кўтарилди. Тэйлор Фритц ва Новак Жокович бир неча поғона пастлади. Янник Синнер эса етакчиликни сақлаб қолди, ундан кейинги ўринларда Карлос Алькарас ва Александр Зверев жойлашган.
ATP рейтинги (23 июнь ҳолатига кўра) — Топ-10:
1. Янник Синнер (Италия) — 10430 очко
2. Карлос Алькарас (Испания) — 9300
3. Александр Зверев (Германия) — 6500
4. Жек Дрэйпер (Буюк Британия) — 4650
5. Тэйлор Фритц (АҚШ) — 4635
6. Новак Жокович (Сербия) — 4630
7. Лоренцо Музетти (Италия) — 4140
8. Хольгер Руне (Дания) — 3530
9. Даниил Медведев (Россия) — 3420
10. Бен Шелтон (АҚШ) — 3170
Ўзбекистонлик теннисчиларнинг ATP рейтингдаги ўринлари:
• 228 (230). Ҳумоюн Султонов — 247
• 445 (451). Сергей Фомин — 99
• 1060 (1054). Максим Шин — 12
• 1420 (1405). Амир Милушев — 4
• 1774 (1769Т). Ботир Сапаев — 1
• 1875Т (1866Т). Абдулазиз Усмонжонов — 1
• 1969Т (1968Т). Дамир Абдусамадов — 1
• 1969 (1968Т). Раҳимбек Иброҳимов — 1
