ATP рейтинги: Икки теннисчимиз юқорилади, Топ-10’да битта ўзгариш кузатилди
Мамлакатимизнинг биринчи рақамли теннисчиси Ҳумоюн Султонов бир поғона юқорилаб, 223-ўринга кўтарилди. Иккинчи ракеткамиз Сергей Фомин эса 3 очко жамғариб, 9 поғона юқорилади — ўтган ҳафтада ҳам у 3 очко эвазига 18 ўринга кўтарилган эди. Амир Милушев ўз ўрнини сақлаб қолди. Бошқа теннисчиларимиздан Максим Шин 3, Раҳимбек Иброҳимов эса 6 поғона пасайди.
Жаҳон рейтингидаги Топ-10 орасида битта ўзгариш қайд этилди. Каспер Рууд Женевадаги чемпионлигини ҳимоя қила олмагани боис бир ўрин пастлаб, Лоренцо Музеттига йўл берди. Қолган теннисчилар ўз ўринларини сақлаб қолишди. Рейтингда ҳозирча Янник Синнер катта фарқ билан пешқадамликни сақламоқда.
ATP рейтинги (26 май ҳолатига кўра):
1. (1) Янник Синнер (Италия) — 10 380 очко
2. (2) Карлос Алькараз (Испания) — 8850
3. (3) Александр Зверев (Германия) — 7285
4. (4) Тэйлор Фритц (АҚШ) — 4675
5. (5) Жек Дрэйпер (Британия) — 4610
6. (6) Новак Жокович (Сербия) — 4230
7. (8) Лоренцо Музетти (Италия) — 3860
8. (7) Каспер Рууд (Норвегия) — 3655
9. (9) Алекс Де Минаур (Австралия) — 3635
10. (10) Хольгер Руне (Дания) — 3440
Ўзбекистонлик теннисчиларнинг жорий ўринлари:
223 (224). Ҳумоюн Султонов — 250 очко
453 (462). Сергей Фомин — 96 очко (+3)
1679. Амир Милишев — 2
1737T (1734T). Максим Шин — 2
1860T (1854T). Раҳимбек Иброҳимов — 1