Андижонда халқаро теннис турнири ўтказилмоқда

Андижон шаҳрида ёш спортчилар ўртасида нуфузли халқаро мусобақа — ITF World Tennis Tour Juniors J60 турнири бўлиб ўтмоқда. Мазкур мусобақа спортнинг ўйин турлари ва енгил атлетикага ихтисослаштирилган спорт мактабининг замонавий теннис кортларида ташкил этилди.

Турнирда Ўзбекистоннинг иқтидорли ёш теннисчилари билан бир қаторда, хорижий давлатлардан ташриф буюрган спортчилар ҳам фаол иштирок этмоқда. Бу эса мусобақанинг халқаро нуфузини янада ошириб, спортчилар ўртасида соғлом рақобат муҳитини яратмоқда.

Мазкур турнир ёш истеъдод эгалари учун нафақат ўз маҳоратини намоён этиш, балки халқаро тажриба орттириш, профессионал теннис саҳнасига қадам қўйиш ҳамда муҳим рейтинг очколарини қўлга киритиш имконини бермоқда.

Розикжон Султонмуродов

Журналист