Александр Зверев финалда Бен Шелтонни мағлуб этиб, US Open — 2026 чемпионига айланди
Александр Зверев финалда Бен Шелтонни мағлуб этиб, US Open — 2026 чемпионига айланди
“Ролан Гаррос — 2026” чемпиони, дунёнинг иккинчи ракеткаси, германиялик теннисчи Александр Зверев АҚШ очиқ чемпионати — 2026 ғолиби бўлди. Ҳал қилувчи баҳсда у жаҳон рейтингида тўққизинчи ўринни эгаллаб турган америкалик Бен Шелтонни мағлубиятга учратди.
Учрашув 3 соат-у 36 дақиқа давом этди. Зверев ўйин давомида тўққизта эйс амалга оширди, олтита қўшхато қилди ва ўзи ишлаб олган олтита брейк-пойнтдан тўрттасини муваффақиятли якунлади. Шелтон ҳисобида эса 10 та эйс, тўртта қўшхато ва ишлаб олинган учта брейк-пойнтдан биттасининг муваффақиятли амалга оширилиши қайд этилди.
Зверев учун US Open’даги ғалаба унинг фаолиятидаги ва жорий мавсумдаги “Катта дубулға” туркумига кирувчи иккинчи соврин бўлди. Шунингдек, Александр мавсумда иккинчи бор жаҳон рейтингининг кучли ўнлигига кирувчи теннисчини мағлуб этди.
US OPEN – 2026
Эркаклар. Яккалик. Финал
Zverev – Shelton🇺🇸– 63 76(2) 57 62
