Александр Зверев: Бу ахлат билан теннис ўйнаб бўлмайди
Расм: gettyimages.com
Германиялик теннисчи Александр Зверев Римдаги ATP Masters 1000 турнири ташкилотчиларини қаттиқ танқид қилди. У мусобақада фойдаланилаётган тўплар сифати жуда паст эканини айтди. Зверевнинг эҳтиросга тўла чиқиши Лоренцо Музеттига қарши чорак финал ўйини пайтида содир бўлди.
“Бу ахлат билан теннис ўйнаб бўлмайди. Агар бу шунчаки томоша учун бўлса, биз бу ерда умуман нима қилаётганимизни тушунмайман. Мен бу ахлатдан чарчадим…”, — деди дунёдаги иккинчи ракетка ҳакамга мурожаат қилиб.
Ушбу баҳсда Зверев Музеттига 6:7, 4:6 ҳисобида мағлуб бўлди. Биринчи сетда учта сетболдан фойдалана олмаган Зверев, ўтган йили чемпионликни қўлга киритган Рим турнирини бу гал чорак финалдаёқ тарк этди.
Бакрадзе Иман
Редактор