Aichi–Nagoya 2026: Ўзбекистон теннисчиларининг рақиблари аниқланди
Aichi–Nagoya 2026: Ўзбекистон теннисчиларининг рақиблари аниқланди
Aichi–Nagoya 2026 XX Осиё ўйинлари теннис мусобақаларига қуръа ташланди. Ўзбекистон терма жамоаси вакилларининг яккалик, жуфтлик ва микст баҳсларидаги дастлабки рақиблари маълум бўлди.
Эркаклар, яккалик:
Сергей Фомин [9] — иккинчи даврада Тожикистон вакили Сомон Амоновга қарши.
Хумоюн Султонов [14] — иккинчи даврада Хитой вакили Мэн Фанминга қарши.
Сергей Фомин ва Хумоюн Султонов қуръа натижасига кўра биринчи даврада ўйин ўтказмайди ва мусобақани иккинчи даврадан бошлайди.
Аёллар, яккалик:
Севил Юлдашева — Эрон вакили Мандегар Фарзамига қарши.
Дарья Шубина — Гонконг вакили Шек Чёк Инга қарши.
Эркаклар, жуфтлик:
Сергей Фомин / Хумоюн Султонов — Гонконг вакиллари Жек Ченг / Цун Нам Ченгга қарши.
Аёллар, жуфтлик:
Дарья Шубина / Севил Юлдашева — Эрон вакиллари Мандегар Фарзами / Мешкатолзаҳра Сафига қарши.
Микст:
Максим Шин / Севил Юлдашева — Гонконг вакиллари Цз Фу Вонг / Хонг И Вонгга қарши.
Теннис мусобақалари 27 сентябрдан 3 октябргача Япониянинг Нагоя шаҳридаги Nagoya City Higashiyama Park Tennis Center кортларида бўлиб ўтади.
Ўзбекистон терма жамоасига Осиё ўйинларида омад ва ёрқин ғалабалар тилаймиз.
