45 ёшли Винуз Уильямс 2021 йилдан бери биринчи марта «Ролан Гаррос»да ўйнайди
«Катта дубулға» туркумига кирувчи турнирларнинг етти карра ғолиби, дунёнинг собиқ биринчи рақамли теннисчиси, 45 ёшли Винуз Уильямс жорий йилги «Ролан Гаррос» турнирида иштирок этади. Америкалик афсона жуфтлик баҳсларида дунёнинг 25-ракеткаси Ҳейли Баптист билан бирга кортга чиқади. Бу Винуз учун 2021 йилдан буён ушбу нуфузли турнирдаги илк иштирок бўлади.
Эътиборлиси, америкалик теннисчилар турнирга махсус таклифномасиз (уайлд-кард), ўз рейтинглари орқали йўлланма олишган.
Маълумот учун, Винуз Уильямс — «Катта дубулға» ва Олимпиада ўйинларининг кўп карра ғолиби ҳисобланади. Унинг ҳисобида яккалик баҳсларида Уимблдондаги 5 та ва US Opendagi 2 та чемпионлик, шунингдек, 4 та Олимпиада олтин медали (шу жумладан, синглиси Серена Уильямс билан жуфтликда) мавжуд.
Унинг шериги Ҳейли Баптист эса ҳозирга қадар битта WTA ва иккита WTA-125 туркумидаги турнирлар ғолибаси ҳисобланади.
