45 yoshli Vinuz Uilyams 2021 yildan beri birinchi marta «Rolan Garros»da oʻynaydi
«Katta dubulg‘a» turkumiga kiruvchi turnirlarning yetti karra g‘olibi, dunyoning sobiq birinchi raqamli tennischisi, 45 yoshli Vinuz Uilyams joriy yilgi «Rolan Garros» turnirida ishtirok etadi. Amerikalik afsona juftlik bahslarida dunyoning 25-raketkasi Xeyli Baptist bilan birga kortga chiqadi. Bu Vinuz uchun 2021 yildan buyon ushbu nufuzli turnirdagi ilk ishtirok bo‘ladi.
E’tiborlisi, amerikalik tennischilar turnirga maxsus taklifnomasiz (uayld-kard), o‘z reytinglari orqali yo‘llanma olishgan.
Ma’lumot uchun, Vinuz Uilyams — «Katta dubulg‘a» va Olimpiada o‘yinlarining ko‘p karra g‘olibi hisoblanadi. Uning hisobida yakkalik bahslarida Uimbldondagi 5 ta va US Opendagi 2 ta chempionlik, shuningdek, 4 ta Olimpiya oltin medali (shu jumladan, singlisi Serena Uilyams bilan juftlikda) mavjud.
Uning sherigi Xeyli Baptist esa hozirga qadar bitta WTA va ikkita WTA-125 turkumidagi turnirlar g‘olibasi hisoblanadi.
