Жорий йилнинг 22-25 май кунлари Нукус шаҳридаги амфитеатурда катталар ўртасидаги Осиё кубоги бўлиб ўтади
Бугун ушбу нуфузли мусобақа олдидан матбуот анжумани бўлиб ўтди. Унда Қорақалпоғистон Республикаси Прокурори ўринбосари Тўлқин Нурметов, Ўзбекистон Кураш федерацияси раиси ўринбосари Уйғун Умаров, ИКА директори Рави Капур ҳамда Қорақалпоғистон Республикаси Спорт вазири Эркинбай Қутибаев, кураш мураббийлари, ҳакамлар ва ОАВ вакиллари иштирок этди.
Сўзга чиққанлар ушбу нуфузли мусобақа илк бор ўтказилаётганини эътироф этар экан хориждан келган спортчиларга ҳалол беллашувларда омад тиладилар.
Таъкидланганидек, мазкур мусобақада Ўзбекистон, Тожикистон, Қирғизистон, Туркманистон, Ҳиндистон, Хитой Тайпейи, Сингапур ҳамда Саудия Арабистони каби давлатлардан жами 100 нафардан ортиқ курашчи иштирок этади.
Шунингдек, бугун мусобақа Мандат комиссияси йиғилиши ҳамда курашчиларнинг вазн ўлчаш маросими ҳам бўлиб ўтди.
