ЖК босқичида шпагачи қиличбозимиздан навбатдаги ютуқ

Жорий ҳафта давомида дунё бўйлаб ёшлар ўртасида қиличбозлик бўйича Жаҳон кубоги босқичлари бўлиб ўтмоқда. Қувонарлиси, шпага йўналишида йигитлар ўртасидаги баҳсларга пойтахтимиз Тошкент мезбонлик қилмоқда.

Бугун ўтказилган яккалик дастуридаги беллашувларда Ўзбекистон терма жамоаси яна бир ютуққа эришди. Иқтидорли спортчимиз Камрон Исмоилов ярим финалгача етиб бориб, мусобақани бронза медаль билан якунлади ва шоҳсупанинг учинчи поғонасидан жой олди.

Якуний натижалар:
1 Кирилл Проходов (Қозоғистон)
2 Чен Бинг-Жюн (Хитой Тайпейи)
3 Эслам Осама (Миср)
3 Камрон Исмоилов (Ўзбекистон)

Иброҳим Жалолов

Редактор