Жавоҳир Синдаров: Рақибларимиз жуда кучли. Шунга қарамай Нодирбек билан биз ҳам шу ердамиз ва чемпионликни қўлга киритиш учун ҳаракат қиламиз
Жавоҳир Синдаров: “Рақибларимиз жуда кучли. Шунга қарамай, Нодирбек билан биз ҳам шу ердамиз ва чемпионликни қўлга киритиш учун ҳаракат қиламиз.”
Freestyle Жаҳон Чемпионати олдидан Жавоҳир билан суҳбатлашдик. У турнир муҳитини юқори баҳолади — ҳам ташкилотчилик томонидан, ҳам иштирокчилар даражаси бўйича. Лекин энг муҳими, у ўзига ишонмоқда.
Суҳбат давомида Freestyle Осиё чемпионатини Ўзбекистонда ўтказиш ғояси ҳам тилга олинди. Жавоҳир бу ғояни катта қизиқиш билан қўллаб-қувватлади:
“Бу таклиф менга жуда ёқди. Шу тариқа бошлаб олсак, кейинчалик тезкор, ҳатто жамоавий чемпионатларни ҳам ўтказишимиз мумкин. Умуман олганда, freestyle жуда қизиқ ўйин. Одамлар буни тушуниб олса, классик шахматда ҳар доим ҳам ола олмайдиган ҳиссиётларни олади. Ғоя жуда зўр — мен хурсанд бўлардим.”
Яна бир муҳим янгилик — юртимизда илк бор Freestyle бўйича Ўзбекистон чемпионати ўтказилиши режалаштирилмоқда. Жавоҳир бу ҳақда хабардор эканини айтиб, freestyle’нинг мамлакатимизда келажаги борлигини таъкидлади.
