Жасур Алижонов: Темировнинг бу жангга чиқишига аввал қарши эдим – ҳали эрта эди
UFC жангчиси Рамазон Темировнинг мураббийи Жасур Алижонов шогирдининг 26 июл куни Абу-Дабида қозоғистонлик Асу Алмабаевга қарши ўтказадиган жанг ҳақида ўз фикрларини билдирди.
— Менимча, бу жангни биroz кейинроқ ташкил қилиш мақсадга мувофиқ бўларди. Агар чемпионлик жанги бўлганида, буни ўзгача — чиройли сценарий деб қабул қилардик. Аммо UFC томонидан айнан шу жанг таклиф қилинди. Рад этсак, бошқа сана ва бошқа рақиб беришларини айтдилар. Шундай шароитда бизнинг танлов имкониятимиз қолмади ва жангга рози бўлдик.
Бу — бир вақтнинг ўзида ҳам синов, ҳам трамплин. Агар Темиров ғалаба қозонса, Топ-5ликка яқинлашади, чемпионликка қадам ташлайди. Аммо мағлуб бўлса, Топ-15ликдан чиқиб қолиш эҳтимоли бор. Шу боис, шахсан мен бу жанг учун ҳали эрта, деб ҳисоблагандим, — деди Алижонов.
