Жасур Алижонов Темиров – Алмабаев жангидан умидвор: Бу мухлислар учун жуда томошабоп тўқнашув бўлади
UFCда юртимиз шарафини ҳимоя қилаётган Рамазон Темировнинг мураббийи Жасур Алижонов шогирдининг қозоғистонлик Асу Алмабаевга қарши жанги борасида ўз фикрларини билдирди.
– Асу Алмабаевни яхшилаб биласизми? Илгари у билан юзма-юз келганмисиз?
– Ҳа, биз Асу билан танишмиз. Сўнгги бор уни Манаэль Капега қарши жанг қилган UFC турнирида кўрдик. У асосий жангда иштирок этганди. Ўша кечада Рамазон эса Жонсонга қарши рингга чиққанди.– Жангга тайёргарлик бошландими?
– Ҳа, тайёргарлик қизғин паллага кирган. Ҳозирча ҳаммаси яхши кетяпти. Бизнинг мақсадимиз фақат ғалаба ва шунга мос тарзда тайёргарлик кўряпмиз.– Темиров “стойка”да устунликка эга, Алмабаев эса курашда кучли. Бу жанг услублар қарама-қаршилигига айланадими?
– Албатта, буни тасдиқлайман. Ушбу тўқнашув турли услубларнинг тўқнашуви бўлади ва бу мухлислар учун жуда қизиқарли ва томошабоп жанг бўлиши аниқ. Қайси жангчи яхши тайёргарлик кўрган бўлса, ўша ғалаба қозонишига умид қиламан.
