Жаҳон чемпионатида зафар қучган пара дзюдочиларимизни тантанали кутиб олишди

11–15 май кунлари Қозоғистоннинг Остона шаҳрида пара дзюдо бўйича Жаҳон чемпионати бўлиб ўтди. Унда юртимиз пара дзюдо жамоаси жонкуярлик билан қатнашиб, 2 та олтин, 2 та кумуш ва 1 та бронза медалига сазовор бўлди.

Бугун, 17 май куни ғолиб ва совриндорларимизни Тошкент халқаро аэропортида Спорт вазирлиги, Миллий паралимпия қўмитаси, оммавий ахборот воситалари ва спорт ишқибозлари томонидан тантанали кутиб олиш маросими ташкил этилди.

Қаҳрамон спортчиларимизга самимий тилаклар билдирилди, уларнинг матонати ва фидойилиги алоҳида эътироф этилди. Мутасаддилар томонидан чемпионатдаги юксак натижалар юртимиз пара спортининг тараққиётига хизмат қилиши таъкидланди ва келгуси мусобақаларда ҳам улкан зафарлар тилаб қолишди.

Бакрадзе Иман

Редактор