Жаҳон чемпионати: Бугун татамига 3 нафар дзюдочимиз чиқади
Бугун, 17 июн куни Венгриядаги дзюдо бўйича жаҳон чемпионатининг бешинчи кун беллашувлари старт олади. Кун давомида -90 кг вазн тоифасида эркаклар ва -70 кг вазнда аёллар ўртасида ғолиб ва совриндорлар аниқланади.
Ўзбекистон терма жамоасидан 3 нафар спортчи татамига чиқиши режалаштирилган. Улар қуйидаги спортчиларга қарши жанг олиб борадилар:
• Шаҳзодхўжа Шарипов (-90 кг) — Корнелиус Эйлертсен (Норвегия)
• Нурбек Муртазоев (-90 кг) — Реми Феулле (Маврикий)
• Хуршида Раззоқбердиева (-70 кг) — Ю-Цзин Ляо (Хитой Тайпейи)
Маълумот учун, шу кунга қадар жаҳон чемпионатида Шукуржон Аминова (-57 кг) ва Арслонбек Тожиев (-81 кг) бронза медали учун баҳс олиб боришгача етиб келганди. Афсуски, улар тақдим этилган имкониятдан тўлиқ фойдаланишнинг уддасидан чиқа олишмади ва ҳар иккиси мусобақани бешинчи ўрин билан якунлади.
