Jahon chempionati: Bugun tatamiga 3 nafar dzyudochimiz chiqadi
Bugun, 17 iyun kuni Vengriyada boʻlib oʻtayotgan dzyudo boʻyicha jahon chempionatining beshinchi kun bellashuvlari start oladi. Kun davomida -90 kg vazn toifasida erkaklar va -70 kg vaznda ayollar oʻrtasida gʻolib va sovrindorlar aniqlanadi.
Oʻzbekiston terma jamoasidan 3 nafar sportchi tatamiga chiqishi rejalashtirilgan. Ular quyidagi sportchilarga qarshi jang olib boradilar:
• Shahzodxoja Sharipov (-90 kg) — Kornelius Eylertsen (Norvegiya)
• Nurbek Murtazoyev (-90 kg) — Remi Feulle (Mavrikiy)
• Khurshida Razzokberdiyeva (-70 kg) — Yu-Tszin Lyao (Xitoy Taypeyi)
Maʼlumot uchun, shu kungacha jahon chempionatida Shukurjon Aminova (-57 kg) va Arslonbek Tojiyev (-81 kg) bronza medali uchun bahs olib borishgacha yetib kelgandi. Afsuski, ular taqdim etilgan imkoniyatdan toʻliq foydalanishning uddasidan chiqa olishmadi va har ikkisi musobaqani beshinchi oʻrin bilan yakunladi.
