Ўзбекистонлик каратечилар жаҳон чемпионатида иштирок этишади
Карате бўйича терма жамоамиз аъзоларидан 8 нафари жорий йилнинг ноябр ойида Қоҳира шаҳри мезбонлик қиладиган жаҳон чемпионатида иштирок этишади.
Маълумот учун мазкур йирик мусобақа 2 йилда 1 маротаба ўтказилади. Шундан 7 нафар атлетимиз тўғридан тўғри йўлланмани қўлга киритган бўлса, Севинч Раҳимова 105 та давлатдан келган кучлилар орасидан сараланди.
Жамоамиз 12 та вазн тоифасидан 8 та лицензияни қўлга киритди. Бу билан йўлланма қўлга киритиш бўйича жаҳонда кучли 10 таликдан Осиёда эса кучли 5 таликдаа жой олди. Марказий Осиёда биз етакчимиз.
Қуйида ЖЧда иштирок этадиган спортчиларимиз рўйхати билан танишинг:
1. Алимардонова Гулшан (-50кг)
2. Раҳимова Севинч (-55кг)
3. Отабоева Севинч (-61кг)
4. Ҳакимжонова Моҳларойим (+68кг)
5. Тўрахонов Меҳриддин (-60кг)
6. Рашидов Абдул Ваҳҳоб (-67кг)
7. Муҳаммадиев Қувончбек (-75кг)
8. Намозов Шуҳратжон (-84кг)
