Ўзбекистонлик қиличбозлар Осиё чемпионатида бронза медалини қўлга киритди
Ўзбекистонлик қиличбозлар Осиё чемпионатида бронза медалини қўлга киритди
Ўзбекистон аёллар қиличбозлик жамоаси Осиё қиличбозлик чемпионатининг жамоавий мусобақасида бронза медалини қўлга киритди.
Жамоа таркибида Зайнаб Дайбекова, Гулистон Пердебаева, Лара Фернанда Эррера ва Аякоз Жумамуротова бор эди.
Совринли ўринлар қуйидагича тақсимланди:
1-ўрин. Корея Республикаси
2-ўрин. Япония
3-ўрин. Хитой
3-ўрин. Ўзбекистон
Эслатиб ўтамиз, Гулистон Пердебаева Осиё чемпионатида шахсий мусобақада ҳам бронза медалини қўлга киритди.
Спортчиларимиз, мураббийлар штаби ва жамоани тайёрлашда иштирок этган барча мутахассисларни ушбу ажойиб натижа билан табриклаймиз. Шунингдек, Осиё чемпионатининг барча ғолиб ва совриндорларини ҳамда уларнинг мураббийларини табриклаймиз.
Ўзбекистон жамоасига бўлажак мусобақаларда омад тилаймиз. Эртага эркаклар рапира қиличбозлари ва аёллар шпага қиличбозлари қитъа чемпионатида медаллар учун курашни давом эттириш учун Осиё чемпионати йўлакларига чиқишади.