Ўзбекистонда спорт инфратузилмаси кенгаймоқда
2025 йилнинг биринчи ярим йиллигида Ўзбекистонда 19 та янги спорт иншооти барпо этилди. Бу ҳақда Миллий статистика қўмитаси маълум қилди. Лойиҳаларни амалга ошириш учун давлат бюджети ҳисобидан жами 108 миллиард сўм йўналтирилди.
Ҳудудлар кесимида етакчилик Бухоро вилоятига тегишли бўлиб, бу ерда 7 та замонавий спорт мажмуаси ишга туширилди. Наманганда эса 5 та янги объект барпо этилди.
Тошкент шаҳри ва Андижон вилоятида иккитадан спорт иншооти фойдаланишга топширилди. Қорақалпоғистон Республикаси, Қашқадарё ва Хоразм вилоятларида эса биттадан объект барпо этилди.
Айни пайтда миллий ифтихор ҳисобланган кураш спорти ҳам ривожланишда давом этмоқда. Уч ярим минг йиллик тарихга эга ушбу беллашув тури 1998 йили Тошкентда халқаро федерацияга эга бўлган ва бугунги кунда дунё миқёсида эътироф этилган спорт турига айланди.
