Ўзбекистонда ҳакамлар академияси иш бошлади
6 май куни Ўзбекистон футбол ассоциацияси ҳузурида Ҳакамлар академияси иш бошлади. Бу ҳақда UFA матбуот хизмати хабар берди. Академия маҳаллий ва халқаро мусобақалар учун ҳакамлар тайёрлашга ихтисослашган. Дарслар халқаро стандартларга асосланган олтита модулдан иборат бўлади.
Биринчи гуруҳга киритилган 25 нафар тингловчи ўқишни бошлаб улгурди. Уларнинг таълими назарий ва амалий машғулотларни қамраб олади, дарсларни тажрибали ҳакамлар олиб боради. Энг яхши битирувчилар маҳаллий ва халқаро ўйинларда ҳакамлик қилиш имкониятига эга бўлишади.
UFA вице-президенти Равшан Ирматов академия очилиши марказий Осиёда ҳакамликни ривожлантиришда муҳим қадам эканини таъкидлади. Шунингдек, академия ҳакамлар учун малака ошириш ва тажриба алмашиш майдони вазифасини ҳам бажаради.