O'zbekistonda hakamlar akademiyasi ish boshladi
6 may kuni O'zbekiston futbol assotsiatsiyasi huzurida Hakamlar akademiyasi ish boshladi. Bu haqda UFA matbuot xizmati xabar berdi. Akademiya mahalliy va xalqaro musobaqalar uchun hakamlar tayyorlashga ixtisoslashgan. Darslar xalqaro standartlarga asoslangan oltita moduldan iborat bo'ladi.
Birinchi guruhga kiritilgan 25 nafar tinglovchi o'qishni boshlab ulgirdi. Ularning ta'limi nazariy va amaliy mashg'ulotlarni qamrab oladi, darslarni tajribali hakamlar olib boradi. Eng yaxshi bitiruvchilar mahalliy va xalqaro o'yinlarda hakamlik qilish imkoniyatiga ega bo'lishadi.
UFA vitse-prezidenti Ravshan Irmatov akademiya ochilishi Markaziy Osiyoda hakamlikni rivojlantirishda muhim qadam ekanini ta'kidladi. Shuningdek, akademiya hakamlar uchun malaka oshirish va tajriba almashish maydoni vazifasini ham bajaradi.
