Ўзбекистон жамоаси Жаҳон чемпионатида пешқадамлар қаторида
Буюк Британиянинг Лондон шаҳрида рапид ва блиц йўналишларидаги жамоавий Жаҳон чемпионати қизғин паллага кирди. 55 жамоа иштирок этаётган ушбу нуфузли мусобақада Ўзбекистон терма жамоаси юқори даражада иштирок этиб, пешқадамлар сафига қўшилди.
Юртдошларимиз шарафини дунёга таниқли гроссмейстерлар — Рустам Қосимжонов, Нодирбек Абдусатторов, Жавоҳир Синдаров ва Шамсиддин Воҳидов каби маҳоратли шахматчилар ҳимоя қилмоқда.
Жаҳон чемпионатининг умумий мукофот жамғармаси 500 000 еврони ташкил этмоқда. Унинг 310 000 евроси рапид, қолган 190 000 евроси эса блиц йўналиши учун ажратилган.
Мусобақанинг илк кунида 4 та тур ўтказилган бўлса, иккинчи кунги баҳсларда ҳам терма жамоамиз муносиб иштирок этди ва очколар жамғаришда давом этди. Ҳозирда юртдошларимиз турнир жадвалида пешқадамлар сафида қайд этилмоқда. Кейинги турлар ва натижалар ҳақидаги янгиликларни кузатиб боринг.
