Ўзбекистон ёшлар терма жамоаси U-20 регби-7 бўйича ўқув-машғулот йиғинини бошлади
2026 йил 1 февралдан 20 февралга қадар Ўзбекистон Республикасининг Тошкент вилоятида регби-7 бўйича Ўзбекистон ёшлар миллий терма жамоаси (U-20, ўғил ва қизлар) учун ўқув-машғулот йиғини ўтказилмоқда.
Ўқув-машғулот йиғини Тошкент вилояти, Ангрен шаҳри, Дўкент посёлкасида жойлашган “Янгиобод” ўқув-машғулот базасида ташкил этилиб, спортчиларни бўлажак мусобақаларга тайёрлашга қаратилган.
Йиғин давомида махсус жисмоний тайёргарлик, техник-тактик элементларни такомиллаштириш ҳамда жамоавий ўзаро ҳамкорликни ривожлантиришга алоҳида эътибор қаратилади.
Мазкур ўқув-машғулот йиғинининг ўтказилиши Ўзбекистонда ёшлар регбисини ривожлантиришда муҳим босқич бўлиб, ёш спортчиларнинг спорт маҳоратини ошириш ҳамда мамлакат миллий терма жамоалари учун рақобатбардош заҳирани шакллантиришга хизмат қилади.
