Ўзбекистон Волейбол Федерацияси — 26-AVC Генерал Ассамблеясида
Ўзбекистон Волейбол Федерацияси — 26-AVC Генерал Ассамблеясида
Бугун, 8-август куни Бангкок (Таиланд) шаҳрида Осиё Волейбол Конфедерациясининг (AVC) 26-Бош Ассамблеяси бўлиб ўтмоқда. Унда Ўзбекистон Волейбол Федерацияси вакиллари ҳам иштирок этмоқда.
Ассамблеянинг асосий мақсади — Осиё қитъасида волейболни янада ривожлантириш, федерациялар ўртасидаги ҳамкорликни мустаҳкамлаш, халқаро мусобақаларни ривожлантириш ҳамда волейбол бошқаруви ва ривожланиш дастурларини такомиллаштириш.
Йиғилиш кун тартибидан AVC фаолияти ва молиявий ҳисоботлари, федерациялар фаолияти, ҳакамлар ва мураббийлар йўналиши, пляж волейболи, тиббиёт ва ривожланиш қўмиталари таклифлари, шунингдек, AVC Конституциясини янгилаш масалалари ўрин олган.
Ўзбекистон Волейбол Федерацияси Осиё волейболининг ривожланишига қаратилган муҳим жараёнларда фаол иштирок этмоқда.
Ўзбекистон волейболи — Осиё волейболи билан бирга ривожланмоқда!
