Ўзбекистон терма жамоаси камондан отиш бўйича Осиё чемпионатига тайёргарлик кўрмоқда
Ўзбекистон камондан отиш бўйича миллий терма жамоаси Бангладешнинг Дакка шаҳрида 3–7-ноябрь кунлари ўқув-машғулот йиғинини ўтказмоқда. Мазкур йиғинлар 7–15-ноябрь кунлари ўтказиладиган Осиё чемпионатига тайёргарлик босқичи ҳисобланади.
Терма жамоа таркибида Зиёдахон Абдусатторова, Нилуфар Ҳамроева, Жасмина Нурманова, Амирхон Содиқов, Бекзод Боборажабов ва Муҳаммадқодир Эргашовлар иштирок этмоқда.
Жамоанинг мураббийлари Эргашбек Азамов, Мунира Нурманова ва Ким Мёнсонг.
Ўқув-машғулот йиғинларининг асосий мақсади — спортчиларнинг техник ва тактик тайёргарлигини такомиллаштириш, жамоавий ўзаро ҳамкорликни мустаҳкамлаш ҳамда мусобақа шароитига мослашув даражасини оширишдан иборатдир.
Спортчиларимизга бўлажак Осиё чемпионатида омад ва албатта ёрқин ғалабалар тилаймиз!
