O‘zbekiston terma jamoasi kamondan otish bo‘yicha Osiyo chempionatiga tayyorgarlik ko‘rmoqda
O‘zbekiston kamondan otish bo‘yicha milliy terma jamoasi Bangladeshning Dakka shahrida 3–7-noyabr kunlari o‘quv-mashg‘ulot yig‘inlarini o‘tkazmoqda. Mazkur yig‘inlar 7–15-noyabr kunlari o‘tkaziladigan Osiyo chempionatiga tayyorgarlik bosqichi hisoblanadi.
Terma jamoa tarkibida Ziyodaxon Abdusattorova, Nilufar Xamroyeva, Jasmina Nurmanova, Amirkhon Sodiqov, Bekzod Boborajabov va Muhammadqodir Ergashovlar ishtirok etmoqda.
Jamoaning murabbiylari Ergashbek Azamov, Munira Nurmanova va Kim Myongsong.
O‘quv-mashg‘ulot yig‘inlarining asosiy maqsadi — sportchilarning texnik va taktik tayyorgarligini takomillashtirish, jamoaviy o‘zaro hamkorlikni mustahkamlash hamda musobaqa sharoitiga moslashuv darajasini oshirishdan iboratdir.
Sportchilarimizga bo‘lajak Osiyo chempionatida omad va albatta yorqin g‘alabalar tilaymiz!
