Ўзбекистон терма жамоаси Евросиё кубоги мусобақасида иштирок этади
2025 йил 7 июн: ёз мавсумида Россия Федерациясида от спорти бўйича нуфузли мусобақа — Евросиё кубогининг 5-босқичи бўлиб ўтади. Ушбу босқич Россиянинг Москва вилоятида жойлашган Maximas stable отхонасида ўтказилиши режалаштирилган.
Мусобақада Ўзбекистон Республикаси от спорти федерацияси таркибидаги терма жамоамиз ҳам иштирок этади. Спортчиларимиз от спортининг икки йўналиши — тўсиқлардан сакраш (конкур) ва от юритиш (вийездка) бўйича ўз маҳоратини намойиш этади.
Мазкур мусобақа Евросиё минтақасидаги энг кучли жамоаларни бирлаштирган ҳолда, спортчилар учун катта тажриба ва халқаро даражадаги баҳсларда ўзини синаб кўриш имкониятини беради. Ўзбекистон делегацияси 5-босқичда иштирок этиш учун Москвага етиб келган.
Ўзбекистон от спорти терма жамоаси ушбу нуфузли турнирда иштирок этаётган спортчиларимизга муваффақият ва омад тилайди. Шунингдек, халқаро спорт майдонларида юртимиз байроғини муносиб ҳимоя қилишларига ишонч билдиради.