Ўзбекистон таэквондочилари Осиё чемпионатини медаллар билан якунлашди
Малайзиянинг Кучинг шаҳрида бўлиб ўтган таэквондо WT бўйича Осиё чемпионатида ўзбекистонлик ёш ва ўсмир спортчилар муносиб иштирок этишди.
Мусобақанинг сўнгги кунида ўсмирлар ўртасидаги баҳслар якунланди. Терма жамоамиз 1 та олтин ва 2 та бронза медални қўлга киритди.
Ғолиб ва совриндорлар:
• Олтин медал: Билолиддин Шарофиддинов (61 кг)
• Бронза медаллари: Малика Рўзиева (29 кг), Солиҳа Тоҳирова (51 кг)
Баҳслар якунида ўсмир йигитлар жамоамиз умумий рейтингда учинчи ўринни эгаллади.
Шу тариқа, Ўзбекистон ўсмирлар терма жамоаси чемпионатни 7 та (3 та олтин, 4 та бронза) медал билан якунласа, ёшлар жамоаси эса 3 та (1 та олтин, 1 та кумуш, 1 та бронза) медалга эга чиқди.
Мусобақа юртдошларимизнинг халқаро майдондаги нуфузи ва таэквондо ривожидаги муҳим қадамлардан бири бўлди.
