Ўзбекистон йилқичилик ва от спорти федерацияси раҳбарияти Марказий ипподром ҳудудига навбатдаги ташрифни амалга оширди
Олдин берилган топшириқлар ижросини назорат қилиш мақсадида Ўзбекистон йилқичилик ва от спорти федерацияси раҳбарияти Марказий ипподром ҳудудига навбатдаги ташрифни амалга оширди.
Ташриф доирасида Марказий ипподромда навбатдаги йиғилиш ўтказилиб, ҳудуднинг жорий ҳолати ҳар томонлама кўздан кечирилди. Спорт отларини сақлаш шароитлари, отлар сақланадиган махсус жойлар (денник), машғулот ва мусобақа майдонлари, шунингдек, инфратузилма иншоотлари текширилди.
Йиғилишда масъул мутахассислар ҳамда спорт отларининг эгалари иштирок этди. Жойида барча долзарб масалалар муҳокама қилиниб, аниқланган камчиликларни бартараф этиш бўйича аниқ қарорлар қабул қилинди ва керакли ҳужжатлар билан таништирилди, масъул ходимларга тегишли топшириқлар берилди.
Шунингдек, Марказий ипподром ҳудудида республика ва халқаро мусобақаларни ўтказишга тайёргарлик кўриш, зарур шароитларни яратиш ҳамда инфратузилмани янада ривожлантириш масалалари юзасидан келишувларга эришилди.
