Ўзбекистон – I Осиё чемпионатининг бронза медали совриндори

Қирғиз Республикаси пойтахти Бишкек шаҳрида 26-июн – 5-июль кунлари карлар жамоалари ўртасида футзал бўйича қитъа чемпионати бўлиб ўтди.

Мазкур нуфузли мусобақада муносиб иштирок этган Ўзбекистон терма жамоаси фахрли 3-ўринни эгаллаб, I Осиё чемпионатининг бронза медаллари соҳибига айланди.

Азиз Маматов бошчилигидаги терма жамоамиз мусобақа давомида ёрқин ўйин намойиш этиб, қатор эътирофга лойиқ натижаларни қайд этди:

Мусобақанинг энг сермаҳсул жамоаси — 46 та гол;
Тўплар фарқи бўйича энг яхши кўрсаткич — +28;
Артур Умуров 17 та гол билан чемпионатнинг энг яхши тўпурарига айланиб, «Олтин бутса» совринини қўлга киритди;
Темирмалик Турсунов эса 9 та гол билан мусобақанинг иккинчи энг яхши тўпурари бўлди.

Розикжон Султонмуродов

Журналист

0 0 0 0 0 0