Ўзбекистон гандболчилари Франциядаги мусобақада чемпион бўлишди
U18 қизлар терма жамоаси Paris World Games турнирида барча рақибларини мағлуб этди
Бошқа спорт турлари
Sports24.uz'ни Google'га қўшиш
Расм: Olympic.uz
Париж шаҳрида бўлиб ўтган “Paris World Games” халқаро турнирида Ўзбекистон U18 аёллар гандбол терма жамоаси ғолибликни қўлга киритди. 12 июл куни жамоамиз финалда Франциянинг Dole-Choussin жамоасига қарши майдонга тушди. Пер де Кубертен номидаги стадионда бўлиб ўтган ҳал қилувчи беллашувда юртдошларимиз 2008–2009 йилларда туғилган спортчилар билан шаклланган таркибда рақибни 29:11 ҳисобида мағлубиятга учратди.
Турнир давомида терма жамоамиз қуйидаги натижаларни қайд этди:
• Бразилия термаси — 32:14
• Франциянинг Dole-Choussin жамоаси (группавой босқич) — 22:8
• Volenceiennes Handball — 24:17
• Pays De Lesneven Handball — 18:9
Шу тариқа, U18 қизларимиз барча ўйинларда зафар қучиб, мусобақа чемпионлигига сазовор бўлишди.
Бакрадзе Иман
Редактор