Ўзбекистон футзалчилари Фаластинга қарши ўйин олди машғулотларини ўтказди
Осиё кубоги саралашидаги илк баҳс эртага бўлиб ўтади.
Бошқа спорт турлари
Sports24.uz'ни Google'га қўшиш
Фото: Ўзбекистон футзали
Осиё кубоги-2026 саралаш мусобақаси F гуруҳи баҳсларида иштирок этиш учун Бишкекда бўлиб турган Ўзбекистон миллий терма жамоаси аъзолари бугун ўйин олди расмий машғулотини ўтказди.
Машғулот саралаш учрашувлари ўтказиладиган Қирғизистон футбол уюшмасига қарашли Футбол академияси спорт мажмуасида ташкиллаштирилди.
Мураббийлар штаби футзалчиларимиз билан бугунги машғулотда бўлғуси рақибнинг ўйин услубидан келиб чиққан ҳолда керакли тактик комбинациялар устида ишлашди. Шу ўринда футзалчиларимизнинг кайфиятлари аъло, жанговар эканлигини қайд этиш жоиз.
Эслатиб ўтамиз, Нодир Элибоев шогирдлари саралаш мусобақасидаги илк учрашувни эртага – 20-сентябр санасида, Тошкент вақти билан соат 15:00 да Фаластин жамоасига қарши ўтказишади.
Розикжон Султонмуродов
Журналист