O‘zbekiston futzalchilari Falastinga qarshi o‘yin oldi mashg‘ulotlarini o‘tkazdi
Osiyo kubogi-2026 saralash musobaqasi F guruhi bahslarida ishtirok etish uchun Bishkekda bo‘lib turgan O‘zbekiston milliy terma jamoasi a’zolari bugun o‘yin oldi rasmiy mashg‘ulotini o‘tkazdi.
Mashg‘ulot saralash uchrashuvlari o‘tkaziladigan Qirg‘iziston futbol uyushmasiga qarashli Futbol akademiyasi sport majmuasida tashkil etildi.
Murabbiylar shtabi futzalchilarimiz bilan bugungi mashg‘ulotda bo‘lajak raqibning o‘yin uslubidan kelib chiqqan holda zarur taktika kombinatsiyalari ustida ishlashdi. Shu o‘rinda, futzalchilarimizning kayfiyati a’lo, jangovar ekanligini alohida ta’kidlash joiz.
Eslatib o‘tamiz, Nodir Eliboyev shogirdlari saralash musobaqasidagi ilk uchrashuvni ertaga – 20-sentyabr sanasida, Toshkent vaqti bilan soat 15:00 da Falastin jamoasiga qarshi o‘tkazishadi.
