Ўзбекистон дзюдо федерацияси томонидан Халқаро дзюдо куни кенг нишонланди
Пойтахтимиздаги 17-умумтаълим мактаби ҳудудида жойлашган Олимпиада чемпиони Диёра Келдийорова дзюдо залида Халқаро дзюдо кунига бағишланган байрам тадбири ўтказилди.
Байрамона руҳда ўтган тадбирда Ўзбекистон Миллий олимпия қўмитаси Бош котиби Ойбек Касимов, Ўзбекистон дзюдо федерацияси масъуллари, мураббийлар, дзюдочилар, уларнинг ота-оналари ва оммавий ахборот воситалари ходимлари иштирок этишди.
"Тинчлик" шиори остида ўтказилган бу йилги тадбир доирасида дарахт ҳам экилди. Диёра Келдийорова, Давлат Бобонов, Алишер Юсупов, Музфарбек Тўрабоев сингари Олимпиада ўйинлари ғолиб ва совриндорлари келажак авлод учун ерга нихол қадатди. Кўчат ёнига унинг муаллифи ҳам ёзиб қўйилди.
Ёш дзюдочиларнинг кўргазмали чиқишлари тадбирига ўзгача кайфият бағишлади. Анъанага кўра байрам торти меҳмонларга улашилди. Диёра Келдийорова ёш дзюдочилар билан бирга суратга тушди, уларнинг қувончига шерик бўлди.
