Ўзбекистон дзюдо федерацияси Олимпиада-2028 учун стратегик йўналишни белгилаб олди
2028 йил Лос-Анжелесда бўлиб ўтадиган Олимпия ўйинларига икки йилдан сал кўпроқ вақт қолди ва табиийки, Ўзбекистон дзюдо терма жамоаси учун тўрт йилликнинг асосий стартига тайёргарликнинг энг масъулиятли босқичи бошланмоқда.
Ўзбекистон дзюдо федерацияси раҳбарияти мураббийлар штаби ва терма жамоа олдига Олимпия ўйинлари саралаш босқичидан муваффақиятли ўтиш, рейтинг очколарини самарали тўплаш ва йирик халқаро турнирларда муносиб иштирок этишга қаратилган аниқ вазифаларни қўйди.
Ишчи йиғилиш давомида Федерация фаолиятининг асосий йўналишлари, бўлажак Олимпия циклга тайёргарликнинг стратегик режалари ва устувор мақсадлари муҳокама қилинди. Ҳар бир старт, ҳар бир ғалаба ва ҳар бир рейтинг очкоси бугунёқ Олимпиада-2028 йўлида алоҳида аҳамиятга эга.
