Ўзбекистон делегацияси III Осиё ёшлар ўйинларида 2-ўринни эгаллаб турибди!

Баҳрайнда ўтаётган III Осиё ёшлар ўйинлари юқори нотада давом этмоқда. Мусобақаларда 45 та давлатдан жами 4 074 нафар ёш спортчи иштирок этмоқда. Унда Ўзбекистон делегацияси ҳам фаол иштирок этиб, ҳозирча умумжамоа ҳисобида 2-ўринни эгаллаб турибди.

Бугунги кунга қадар ўзбекистонлик ёш спортчилар жами 6 та олтин, 2 та кумуш ва 4 та бронза медални қўлга киритишди.

Медаллар қуйидаги спорт турларида қўлга киритилди:

• 🤼 Кураш — 4 та олтин медал
• 🏃 Енгил атлетика — 1 та олтин, 2 та кумуш, 1 та бронза медал
• 🥊 Аралаш жанг санъати (MMA) — 2 та бронза медал
• 🥋 Пенчак силат — 1 та олтин, 1 та бронза медал

Эслатиб ўтамиз, оғир атлетика баҳслари 26–30-октябрь санасида бўлиб ўтади ва унда 12 нафар ёш полвонимиз совринли ўринлар учун супага чиқади.

Иброҳим Жалолов

Редактор