Ўзбек шахматчиси Жавоҳир Синдоров Grenke Open халқаро мусобақасида иштирок этади
Бошқа спорт турлари
Бакрадзе Иман
Редактор
Расм: Chessok.net Жавоҳир Синдоров
Ўзбекистонлик гроссмейстер Жавоҳир Синдоров шахматнинг энг йирик очиқ турнирларидан бири - Grenke Openда чемпионлик учун кураш олиб боради. Мусобақа 17–21 апрел кунлари Германияда бўлиб ўтади. Турнирнинг соврин жамғармаси 225 минг еврога тенг.
Синдоровдан ташқари, ушбу мусобақада дунёга машҳур гроссмейстерлар - Магнус Карлсен, Фабиано Каруана, Аржун Эригайси, Ян Непомнящий, Шаҳрияр Мамедяров, Уэсли Со ва Левон Аронян ҳам иштирок этади.
Жавоҳир Синдоров 2020 йилда 18 ёшгача бўлган ўсмирлар ўртасида Осиё чемпиони бўлган. 2022 йилги шахмат олимпиадасида Ўзбекистон терма жамоаси сафида иштирок этиб, 10 партияда беш ғалаба, уч дуранг ва икки мағлубият қайд этган ҳамда жамоага тарихда илк бор чемпионликни қўлга киритишда ёрдам берган.