O'zbek shaxmatchisi Javohir Sindorov Grenke Open xalqaro musobaqasida ishtirok etadi
O'zbekistonlik grossmeyster Javohir Sindorov shaxmatning eng yirik ochiq turnirlaridan biri - Grenke Openda chempionlik uchun kurash olib boradi. Musobaqa 17–21 aprel kunlari Germaniyada bo'lib o'tadi. Turnirning sovrin jamg'armasi 225 ming yevroga teng.
Sindorovdan tashqari, ushbu musobaqada dunyoga mashhur grossmeystrlar - Magnus Karlsen, Fabiano Karuana, Arjun Erigaysi, Yan Nepomnyashchiy, Shahriyor Mamedyarov, Uesli So va Levon Aronyan ham ishtirok etadi.
Javohir Sindorov 2020 yilda 18 yoshgacha bo'lgan o'smirlar o'rtasida Osiyo chempioni bo'lgan. 2022 yilgi shaxmat olimpiadasida O'zbekiston terma jamoasi safida ishtirok etib, 10 partiyada besh g'alaba, uch durang va ikki mag'lubiyat qayd etgan hamda jamoaga tarixda ilk bor chempionlikni qo'lga kiritishda yordam bergan.
