Ўзбек гимнастлари Мисрдаги Жаҳон кубоги босқичида икки бронза медални қўлга киритди
Қоҳира шаҳрида спорт гимнастикаси бўйича Жаҳон кубогининг навбатдаги босқичи якунланди. Мусобақада Ўзбекистон терма жамоаси аъзолари икки бронза медалини қўлга киритди. Бу муваффақиятларга эркаклар жамоаси вакиллари эришди.
Абдулазиз Мирвалиев таянч сакраши йўналишида 14,116 балл натижа қайд этиб, учинчи ўринни эгаллади. Олимпиаданинг икки карра совриндори Расулжон Абдураҳимов эса параллел брусларда 13,866 балл билан бронза медалига сазовор бўлди. У баланд турникдаги чиқишда саккизинчи ўринни эгаллади.
Аёллар ўртасида Дилдора Арипова эркин ҳаракатлар бўйича тўртинчи ўринни эгаллаб, медалга яқин бўлди.
28 апрел куниги финалларда ҳам бир қатор ўзбек гимнастлари иштирок этди: Оксана Чусовитина (6-ўрин), Дилдора Арипова (8-ўрин) ва Равшан Камилжанов (7-ўрин).
