Юнон-рум кураши бўйича Ўзбекистон терма жамоаси бош мураббийи Рустам Ассакалов йилнинг энг яхши мураббийи деб эътироф этилди
Юнон-рум кураши бўйича Ўзбекистон терма жамоаси бош мураббийи Рустам Ассакалов йилнинг энг яхши мураббийи деб эътироф этилди.
Рустам Ассакалов терма жамоа бошқарувини қўлга олганидан сўнг, қисқа вақт ичида миллий жамоамизнинг халқаро майдондаги нуфузи сезиларли даражада ошди. Унинг раҳбарлигида Ўзбекистон юнон-рум кураши жамоаси нафақат тезроқ, балки аниқ ва юқори натижалар орқали бутун дунёга танила бошлади.
Эришилаётган ютуқлар замирида мамлакатимизда спортни ривожлантиришга қаратилган давлат сиёсати, хусусан Президентимизнинг доимий қўллаб-қувватлаши муҳим аҳамият касб этмоқда. Шунингдек, ушбу муваффақиятларда барча мураббийлар, спорт ассоциациямиз раҳбарияти ҳамда Турсунов Ботир Раджабовичнинг ҳиссаси алоҳида эътироф этишга лойиқ.
Рустам Ассакаловни ушбу юксак эътироф билан табриклаймиз ва терма жамоамизга келгусида ҳам йирик ғалабалар тилаймиз.
