Ёш гандболчиларимиз III-Марказий Осиёда ғолиб бўлишди
Бошқа спорт турлари
Иброҳим Жалолов
Редактор
PHOTO: Telegram
Покистоннинг Файсалобод шаҳрида гандбол бўйича U-17 ва U-19 қизлар жамоалари ўртасида Халқаро гандбол федерацияси кубогининг III-Марказий Осиё босқичи бўлиб ўтди.
Унда Покистон, Ўзбекистон, Туркманистон, Қирғизистон, Тожикистон ва Мўғулистон давлатларининг 10 та жамоаси ғолиблик учун кураш олиб борди. Қувонарлиси, иккала ёш тоифасида ҳам ўзбекистонлик гандболчилар шоҳсупанинг чемпионлик поғонасига кўтарилишди.
Мусобақанинг тақдирлаш маросимида Ўзбекистон U-17 ва U-19 қизлар терма жамоалари аъзоларига олтин медаллар ва чемпионга аталган кубоклар топширилди.
U-17 қизлар биринчилиги: 1-ўрин. Ўзбекистон. 2-ўрин. Туркманистон. 3-ўрин. Қирғизистон.
U-19 қизлар биринчилиги: 1-ўрин. Ўзбекистон. 2-ўрин. Туркманистон 3-ўрин. Покистон.