Yosh gandbolchilarmiz III-Markaziy Osiyoda g'olib bo'lishdi
Pokistonning Faysalobod shahrida gandbol bo‘yicha U-17 va U-19 qizlar jamoalari o‘rtasida Xalqaro gandbol federatsiyasi kubogining III-Markaziy Osiyo bosqichi bo'lib o'tdi.
Unda Pokiston, O‘zbekiston, Turkmaniston, Qirg‘iziston, Tojikiston va Mo‘g‘uliston davlatlarining 10 ta jamoasi g‘oliblik uchun kurash olib bordi. Quvonarlisi, ikkala yosh toifasida ham o‘zbekistonlik gandbolchilar shohsupaning chempionlik pog‘onasiga ko‘tarilishdi.
Musobaqaning taqdirlash marosimida O‘zbekiston U-17 va U-19 qizlar terma jamoalari a’zolariga oltin medallar va chempionga atalgan kuboklar topshirildi.
U-17 qizlar birinchiligi: 1-o‘rin. O‘zbekiston. 2-o‘rin. Turkmaniston. 3-o‘rin. Qirg‘iziston.
U-19 qizlar birinchiligi: 1-o‘rin. O‘zbekiston. 2-o‘rin. Turkmaniston 3-o‘rin. Pokiston.
