Ян Непомнящий ФИДЕ рейтингидаги энг кучли ўнталикдан чиқиб кетди
34 ёшли россиялик гроссмейстер Ян Непомнящий Халқаро шахмат федерацияси (ФИДЕ) рейтингидаги энг кучли 10 шахматчи рўйхатидан чиқиб кетди. У Тошкентда бўлиб ўтган “UzChess Cup 2025” халқаро мусобақасида 9 партияда атиги 3,5 очко тўплади ва рейтингда 2742 очко билан 10-ўриндан 14-поғонага тушди.
ФИДЕ рейтингида етакчи — норвегиялик Магнус Карлсен (2839 очко). Ундан кейинги ўринларда АҚШ вакиллари Хикару Накамура (2807) ва Фабиано Каруана (2784) жой олган.
4–6-ўринларда Ҳиндистон шахматчилари Рамешбабу Прагнанандха (2779), Аржун Эригайиси (2776) ва Гукеш Доммараж (2776) қайд этилган. Ўзбекистон шарафини ҳимоя қилаётган Нодирбек Абдусатторов 2771 очко билан 7-ўринда бормоқда. Ундан сўнг франциялик Ализера Фирузжа (2766), хитойлик Вей И (2748) ва Нидерландиялик Аниш Гири (2748) жойлашган.
