Ян Гарри: Махачевнинг ярим ўрта вазнга ўтиши фожеа бўлади

Бошқа спорт турлари 26 апр 2025 да 02:12

Бакрадзе Иман

Редактор

UFC’нинг ярим ўрта вазн тоифасидаги жангчиси Ян Гарри Ислом Махачевнинг 77 кг гача бўлган вазнга ўтиши ҳақида гапирди ва бу қарорнинг дивизионга таъсири ҳақида фикр билдирди.

«Агар у ярим ўрта вазнга ўтишга қарор қилса, UFC унга чемпионлик жанги беришдан тортинмайди. Бу Ислом Махачев — дунёдаги энг яхши жангчи. Биз унга ҳурмат билан қарашимиз керак. Агар у: “Мен чемпионлик учун жанг қилмоқчиман”, деса, ҳеч ким қарши бўлмайди», — деди Гарри Bloody Elbow нашрига берган интервюсида.

Шунингдек, у қўшимча айтди:
«Агар у вазнимизга ўтса ва шу ерда қолса, бу ҳар биримиз учун фожеа бўлади. Махачев — кучли ва универсал спортчи. Ҳабиб ҳам шундай бўлган — эҳтимол, у жангларда ҳатто эҳтиётроқ эди. Унинг ўтиши ярим ўрта вазнни янада рақобатбардош қилади. Мен у билан жанг қилишни истайман».