Ian Garri: Mahachevning yarim oʻrta vaznga oʻtishi fojia boʻladi

Boshqa sport turlari 26 apr 2025 da 02:12

UFC’ning yarim oʻrta vazn toifasidagi jangchisi Ian Garri Islom Mahachevning 77 kg gacha boʻlgan vaznga oʻtishi haqida gapirdi va bu qarorning divizionga taʼsiri haqida fikr bildirdi.

«Agar u yarim oʻrta vaznga oʻtishga qaror qilsa, UFC unga chempionlik jangini berishdan tortinmaydi. Bu Islom Mahachev — dunyodagi eng yaxshi jangchi. Biz unga hurmat bilan qarashimiz kerak. Agar u: “Men chempionlik uchun jang qilmoqchiman”, desa, hech kim qarshi bo'lmaydi», — dedi Garri Bloody Elbow nashriga bergan intervyusida.

Shuningdek, u qo'shimcha aytdi:
«Agar u vaznimizga oʻtsa va shu yerda qolsa, bu har birimiz uchun fojia boʻladi. Mahachev — kuchli va universal sportchi. Habib ham shunday boʻlgan — ehtimol, u janglarda hatto ehtiyotroq edi. Uning oʻtishi yarim oʻrta vaznni yanada raqobatbardosh qiladi. Men u bilan jang qilishni istayman».

Mashhur yangiliklar